“Gahryman Arkadagymyzyň Kazan forumyna iş sapary”
16.05.2026-njy ýylda Balkan welaýat kitaphanasynda “Garaşsyz, baky Bitarap Türkmenistan-bedew batly at-myradyň mekany” ýylynyň dowam edýän günlerinde Türkmenistanyň Halk Maslahatynyň Başlygy, Türkmen halkynyň Milli Lideri Gahryman Arkadagymyzyň Russiýa Federasiýasynyň Tatarystan Respublikasynyň Kazan şäherinde “Russiýa-Yslam dünýäsi: KazanForum-2026” XVII halkara ykdysady Foruma gatnaşmagy mynasybetli Türkmenistanyň Magtymguly adyndaky Ýaşlar guramasynyň Balkan welaýat Geňeşi tarapyndan geçirilen syýasy gepleşigi Balkan welaýat ýörite sungat mekdebiniň jemgyýetçilik dersleriniň mugallymy Annagül Balkanowa alyp bardy.
Gepleşigiň dowamynda çykyş edenler senagat kooperasiýasynda “KamAz” iri maşyngurluşyk kompaniýasy, Tatarystanyň “Tatneft” açyk görnüşli paýdarlar jemgyýeti, 2026-njy ýylda Kazanyň “Yslam dünýäsiniň medeni paýtagty” diýlip yglan edilmegi mynasybetli, “Tatar gyzy-2026” bäsleşiginiň jemleýji tapgyryny Aşgabatda geçirmek baradaky teklibi, Tatarystanyň öňdebaryjy ýokary okuw mekdeplerinde türkmen talyplarynyň müňlerçesiniň bilim alýandygy, Halkara Serginiň dowamynda görkezilen gymmatlyklaryň ähmiýeti, Kazan halkara atçylyk sport toplumynda türkmen bedewleriniň gazanan ýeňişleri hakynda, 2028-nji ýylda Türkmenistanyň paýtagty Aşgabady “Yslam dünýäsiniň medeni paýtagty” diýlip yglan etmek baradaky meselä häzirden seredilýändigini nygtadylar.
Syýasy gepleşik 19.05.2026-njy ýylda “Ýaşlyk” teleýaýlymynda sagat 17:00-da görkezildi.