“Bedew batly Garaşsyz Diýarym-şanly 35 ýyllyk toýun toýlaýar”

10.09.2026-njy ýylda Balkan welaýatynyň Balkanabat şäherinde “Altyn nur” toý dabaralar merkezinde Türkmenistanyň Agrar partiýasynyň Balkan welaýat komiteti bilen Balkan welaýat ýörite sungat mekdebiniň bilelikde gurnamagynda şanly Garaşsyzlygymyzyň 35 ýyllyk baýramçylygy mynasybetli “Bedew batly Garaşsyz Diýarym-şanly 35 ýyllyk toýun toýlaýar” atly aýdym-sazly, söhbetli konsert geçirildi. “Ýaşlyk” teleýaýlymyna ýazgy edilen konertde mekdebiň “Aýdymçylar”, “Hor”, “Orkestr”, “Dutarçylar”, “Bagşylar”, “Üflenip we kakylyp çalynýan saz gurallaryndan” düzülen ansambl toparlary, “Bagtyýarlyk” tans toparlary baýramçylyk mynasybetli taýýarlanan sowgatlary bilen joşgunly çykyşlary ýerine ýetirdiler. Dabaranyň dowamynda mekdebiň mugallymy Umyt Gurbanowyň alyp barmagynda Balkan welaýat ýörite sungat mekdebiniň mugallymlary Bazaganowa Gülsenem, Ödekowa Bibihajar, Garagyrowa Aýsenem, mekdebiň Ilkinji Zenanlar guramasynyň başlygy Rahymowa Saparbibi, “Fortepiano” bölüminiň 3-nji ýyl talyby Hakyjanowa Gülkamar dagylar interwýu berdiler.

Dabaranyň ahyrynda asuda, parahat durmuşy sowgat beren Gahryman Arkadagymyza, Arkadagly Gahryman Serdarymyza alkyşlar belent owaz bolup ýaňlandy.